पिंपरी चिंचवड शहरात ओमायक्रॉनचे नवीन ३ रुग्णची भर

NewsZenn Jan 17, 2022 765 0

पिंपरी : कोरोनाचा नवीन विषाणू असलेल्या ‘ओमायक्रॉन’चा संसर्ग झालेले ३ नवीन रुग्ण रविवारी पिंपरी-चिंचवड शहरात आढळले. विदेशातून आलेल्या दोन आणि त्यांच्या संपर्कातील एका रुग्णाचा यात समावेश आहे.

आफ्रिका आणि युरोपीय देशांमध्ये ओमायक्रॉन या नव्या उत्परिवर्तित विषाणूचा प्रादुर्भाव होत आहे. केंद्र व राज्य शासनाने खबरदारीच्या उपाययोजना करण्यास सूचित केले आहे. त्यानुसार महापालिकेकडून आवश्यक उपाययोजना करण्यात येत आहेत. ओमायक्रॉन या नव्या व्हेरिएंटच्या अनुषंगाने महापालिकेतर्फे तपासणी मोहीम सुरू आहे. आज शहरात ओमायक्रॉनचे नवीन 3 रुग्ण आढळले. या रुग्णांची प्रकृती स्थिर असून रुग्णालयात दाखल करण्याची प्रक्रिया सुरू आहे.

आजपर्यंत परदेशातून शहरात आलेले व त्यांच्या संपर्कातील अशा १९८९ जणांची तपासणी करण्यात आली. त्यातील १८९२ जणांचे अहवाल प्राप्त झाले. परदेशातून आलेले ६५ तर त्यांच्या संपर्कातील ४३ जण पॉझिटीव्ह आले. तर, १७८४ जणांचे रिपोर्ट निगेटीव्ह आले. परदेशातून आलेल्या ६५ पॉझिटीव्ह रुग्णांपैकी ३५ जणांना ओमायक्रॉनची बाधा झाली. संपर्कातील ४३ पॉझिटीव्ह रुग्णांपैकी १७ ओमायक्रॉन पॉझिटीव्ह होते. तर, रँन्डम तपासणीत ४४ रुण ओमायक्रॉन पॉझिटीव्ह आले आहेत. ८७ जण ओमायक्रॉन संसर्गमुक्त झाले आहेत.

Click Here To See More