साक्षी कशी बनली 'थेरगाव क्वीन'

NewsZenn Feb 1, 2022 878 0

मागील दोन दिवसांपासून सोशल मीडियावर पिंपरी चिंचवडच्या थेरगावची चर्चा आहे. त्याला कारण आहे १८ वर्षाची साक्षी श्रीश्रीमल. साक्षीचं इन्स्टाग्रामवर थेरगाव क्वीन या नावाने प्रोफाइल आहे. अश्लील आणि धमकीवजा पोस्ट तयार करून ते आपल्या इंस्टाग्राम प्रोफाईलवर पोस्ट केल्याप्रकरणी याच साक्षीवर पिंपरी चिंचवड पोलिसांनी गुन्हा दाखल केला आहे. त्यामुळे सोशल मीडियावर ‘थेरगाव क्वीन’ हा ट्रेंड चर्चेत आहे. परंतु ही साक्षी आहे कोण.. आणि ती थेरगाव क्वीन कशी बनली याचा हा सविस्तर रिपोर्ट..

साक्षी आणि तिच्या काही साथीदारांनी “थेरगाव क्‍विन’ नावाने अकाऊंट तयार केले. तिने आणि इतर दोन आरोपींनी मिळून या अकाऊंटवर अश्‍लील भाषा वापरून धमकीचे व्हिडिओ पोस्ट केले. तसेच, हे व्हिडिओ व्हाॅटसॲपसह अन्य सोशल मीडियावर व्हायरल केले..त्यानंतर ‘थेरगाव क्वीन’ या नावाचं हे इंस्टाग्राम प्रोफाइल पाहता-पाहता प्रसिद्ध झालं.. हजारो फॉलोवर्स वाढले.. सोशल मीडियावर तिला लेडी डॉन म्हणूनही ओळखले जाऊ लागले.

‘थेरगाव क्वीन’च्या या इंस्टाग्राम प्रोफाइलवरील वादग्रस्त आणि अश्लील भाषेत धमक्या देणारे तिचे व्हिडीओ सोशल मीडियावर प्रचंड व्हायरल झाले होते. तिचा ‘कुठला डॉन आणि कुठला कोण? माझ्या नादी लागाल तर करील ३०२’ हा व्हिडीओ प्रचंड व्हायरल झाला. माझ्या नादाला लागाल तर खून केला जाईल अशी सरळ सरळ धमकीच तिने या व्हिडीओमधून दिली होती. त्यानंतर ती टाकत असलेले व्हिडीओ पाहून अनेकांनी तिच्यावर कारवाई करण्याची देखील मागणी केली होती. अखेर पिंपरी-चिंचवड पोलिसांनी तिच्यावर कारवाई करत तिला अटक केली. साक्षी सध्या जामिनावर बाहेर आहे.

साक्षीचे वय अवघे १८ वर्ष आहे. मध्यमवर्गीय कुटुंबातील असणारी साक्षी अकरावीला आहे. साक्षीला आई वडील नाहीत. त्यामुळे आजीच तिचा सांभाळ करते. इन्स्टाग्रामवर मिळाणाऱ्या लाईक्सच्या हव्यासापोटी तिने असे व्हीडिओ तयार केल्याचे पोलीस चौकशीत मान्य केलं आहे. तिच्यावर कारवाई झाल्यानंतर लाईक्स आणि प्रसिद्धीसाठी नको ते उद्योग करणाऱ्या इतर तरुण तरुणांना चाप बसेल अशी आशा व्यक्त केली जातेय.

Click Here To See More