पुण्यातील बालेवाडी इथल्या इमारतीचा स्लॅब कोसळला; ८ जण जखमी

NewsZenn Oct 31, 2021 813 0

पुण्यातील बालेवाडी येथील निर्माणाधीन इमारतीचा स्लॅब कोसळून ८ जण जखमी झाले असून त्यांच्यावर उपचार सुरू आहे. अग्निशामक विभागाच्या अधिकार्‍यांनी दिलेल्या माहितीनुसार नुसार, काल रात्री साडे अकराच्या सुमारास बालेवाडी येथील पाटीलनगर येथे निर्माणाधीन इमारतीच्या पहिल्या मजल्याचं काम सुरू होते. त्यावेळी कामगारांना काही समजण्याच्या आतमध्ये स्लॅब कोसळल्याची घटना घडली.

या घटनेची माहिती मिळताच, पुणे, पिंपरी चिंचवड आणि एमएमआरडीएच्या अशा एकूण ६ गाड्या काही मिनिटांत घटनास्थळी दाखल झाल्या. मात्र घटनास्थळी पोहोचण्यापूर्वीच ८ जखमी कामगारांना जवळील रूग्णालयात उपचारासाठी दाखल करण्यात आले असून त्यांच्यावर उपचार सुरू आहेत.

अग्निशमन दल घटना स्थळी दाखल झाले तेव्हा स्लॅबचा संपूर्ण लोखंडी सांगाडा खाली कोसळला असल्याचे दिसून आले. या लोखंडी स्लॅब खाली दबल्याने तब्बल ८ कामगार जखमी झाले होते. त्यातील ६ जणांना रुग्णालयात उपचारां साठी दाखल करण्यात आले आहे. तर ही घटना नेमकी कोणता कारणावरून घडली हे अद्याप समजू शकले नाही.

Click Here To See More