पंतप्रधान नरेंद्र मोदींच्या देहू दौऱ्याची तयारी अंतिम टप्प्यात

NewsZenn Jun 13, 2022 798 0

पंतप्रधान नरेंद्र मोदी उद्या महाराष्ट्र दौऱ्यावर आहेत. मुख्यत: पुण्यातील देहू आणि नंतर मुंबई काही शासकीय कामांच्या उद्घाटनानिमित्त ते राज्याच्या दौऱ्यावर आहे. दुपारी देहूतील संत तुकाराम महाराज यांच्या शिळा मंदिराचे उद्घाटन त्यांच्या हस्ते होणार आहे. तर त्यानंतर ते मुंबईमधील जलभूषण इमारत आणि राज भवन येथील क्रांतीकारक गॅलरीचे उद्घाटन करणार आहेत. त्यासोबतच संध्याकाळी बांद्रा कुर्ला कॉम्प्लेक्सयेथे मुंबई समाचारच्या द्विशताब्दी महोत्सवात सहभागी होणार आहेत. पुणे आणि मुंबई असा हा दौरा आहे.

‘असा’ असेल पंतप्रधान नरेंद्र मोदी यांचा दौरा
उद्या दुपारी १ :४५ च्या सुमाराला पंतप्रधान नरेंद्र मोदी देहू येथील श्रीसंत तुकाराम महाराज यांच्या शिळा मंदिराचे उद्घाटन करतील.
संध्याकाळी ४:४५ च्या सुमाराला मुंबईमधील जलभूषण इमारत आणि राज भवन येथील क्रांतिकारक गॅलरीचे उद्घाटन करतील.
संध्याकाळी ६च्या सुमाराला मुंबईतल्या बांद्रा-कुर्ला कॉम्प्लेक्स येथे मुंबई समाचारच्या द्विशताब्दी महोत्सवात सहभागी होणार.

पंतप्रधान नरेंद्र मोदी उद्या पिंपरी चिंचवड मध्ये येणार असल्यामुळे त्यांच्या सुरक्षेची खास व्यवस्था करण्यात आली आहे. यासाठी १० पोलीस उपायुक्त, १० सहायक पोलीस आयुक्त, १०० पोलीस निरीक्षक, ३०० पोलीस उपनिरीक्षक, सहायक पोलीस निरीक्षक, २००० पोलीस कर्मचाऱ्यांचा बंदोबस्त असणार आहे. पंतप्रधान नरेंद्र मोदी हे देहूत काही तासांमध्ये दाखल होतायेत, त्यांच्या हस्ते शिळा मंदिर, जगतगुरु संत तुकाराम महाराजांच्या मूर्तीचा लोकार्पण सोहळा पार पडणार पडल्यानंतर ते वारकऱ्यांना संबोधित करणार आहेत. तेथील तयारी अंतिम टप्प्यात आली आहे.

Click Here To See More