मोदी सरकारचा केंद्रीय कर्मचाऱ्यांना झटका

NewsZenn Feb 21, 2022 642 0

केंद्रीय कर्मचाऱ्यांना झटका देत मोदी सरकारने मोठा निर्णय घेतला आहे. केंद्रीय कर्मचाऱ्यांच्या महागाई भत्त्याच्या थकबाकी रक्कमेबाबत केंद्र सरकारने निर्णय घेतला असल्याची सूत्रांची माहिती आहे.

केंद्रीय कर्मचाऱ्यांचा डीए अर्थात महागाई भत्त्यात मार्च महिन्यात वाढ होणार असल्याच्या चर्चा होत्या. यासोबतच गेल्या १८ महिन्यांपासून प्रलंबित असलेला डीए होळीच्या सणाला मिळणार असल्याचंही गेल्या काही दिवसांपासून सांगितलं जात होतं.

डीएमध्ये वाढ होणार असल्याच्या चर्चा होत असताना महागाई भत्त्याच्या थकबाकीची रक्कम मिळणार नसल्याचं समोर येत आहे. १८ महिन्यांची डीएची थकबाकी मिळणार नसल्याने केंद्रीय कर्मचाऱ्यांना मोठा धक्का बसला आहे.

दरम्यान, जानेवारी २०२० ते जून २०२१ या १८ महिन्यापर्यंतची डीएची थकबाकी आहे. केंद्र सरकारने याबाबत निवेदन देखील जारी केलं आहे. केंद्रीय कर्मचाऱ्यांना सध्या 31 टक्के डीए मिळत आहे. हा आकडा वाढून ३४ टक्के होणार असल्याचंही म्हटलं जात आहे.

Click Here To See More