रिंगरोडच्या कामाचा लवकरच शुभारंभ

NewsZenn Jun 18, 2022 755 0

वाघोली- लोहगाव हद्दीतून जाणान्या रिंगरोडचे कामदेखील पुणे महानगरपालिका करणार असून, त्या कामासाठीदेखील मंजुरी मिळाली असल्याची माहिती आमदार सुनील टिंगरे यांनी आज येथे दिली.

महापालिका हद्दीतील रिंगरोडचे काम महापालिका करणार असून, उर्वरित हद्दीतील रिंगरोडचे काम पीएमआरडी करणार आहे. त्यामुळे रिंगरोडचे काम सुरू होण्याचा मार्ग आता मोकळा झाला असल्याची माहिती त्यांनी दिली. आमदार टिंगरे यांच्या हस्ते सदर रस्त्याच्या कामाचा शुभारंभ करण्यात आला. यावेळी ते बोलत होते.

पुणे महानगरपालिका व सार्वजनिक बांधकाम विभाग यांच्या माध्यमातून सदर रस्त्याचे काम सुरू झाले. या रस्त्याचे काम सुरू झाल्याने नागरिकांनी समाधान व्यक्त केले. रस्ता शुभारंभ कार्यक्रमास ज्येष्ठ नेते पांडुरंग खेसे, अशोकबापू खांदवे, राजेंद्र खांदवे, बंडू खांदवे, नवनाथ मोझे, अर्जुन गरुड, मिलिंद खांदवे, सुभाष काळभोर, डॉ. राजेश साठे, शांताराम खांदवे, पथ विभागाचे अधिकारी अमर मतीकुंड, सार्वजनिक बांधकाम विभागाचे अधिकारी देशपांडे यावेळी उपस्थित होते.

आमदार टिंगरे म्हणाले, लोहगाव- वाघोली रस्त्याच्या कामा बरोबर लोहगावमधील पाण्याची समस्या मार्गी लागण्यासाठी जलवाहिन्या टाकण्यासाठी समान पाणीपुरवठा अंतर्गत ६० ते ६५ कोटी रुपयांचा निधीदेखील उपलब्ध झाला असून, त्याचेदेखील काम लवकरच करण्यात येणार आहे. ड्रेनेज लाईनचे काम सुरू आहे.

Click Here To See More