सून गरोदर अन् नीतू कपूर यांचा आनंद गगनात मावेना

NewsZenn Jun 27, 2022 695 0

बॉलिवूडमधील बहुचर्चित जोडप्याच्या यादीमध्ये आलिया भट्ट आणि रणबीर कपूरचं नाव टॉपला आहे. आलिया-रणबीने लग्न करत चाहत्यांना सुखद धक्का दिला. एप्रिलमध्ये या दोघांचा विवाहसोहळा थाटामाटात पार पडला. आता कपूर कुटुंबियांच्या घरी नव्या पाहुण्याचं आगमन होणार आहे. तुम्हालाही ऐकून आश्चर्य वाटलं ना…पण आलियानेच स्वतः इन्स्टाग्राम अकाऊंटद्वारे फोटो शेअर करत याची माहिती दिली. रणबीरची आई नीतू कपूर यांचा आनंद तर गगनात मावेनासा झाला आहे.

कपूर आणि भट्ट कुटुंबियांकडे सध्या आनंदाचं वातावरण आहे. घरी नव्या पाहुण्याचं आगमन होणार म्हटल्यावर सगळेच खूश आहेत. अशामध्येच नीतू यांना त्यांच्या चित्रीकरणाच्या सेटबाहेर पापाराझी छायाचित्रकारांनी घेरलं. यावेळी छायाचित्रकारांनी नीतू यांना शुभेच्छा दिल्या. त्यानंतर नीतू यांच्या चेहऱ्यावरील हास्य खरंच पाहण्यासारखं होतं. शिवाय त्यांचा आनंद गगनात मावेनासा झाला होता.

तुम्ही आता आजी होणार आहे कसं वाटतंय? असा प्रश्न छायाचित्रकारांनी नीतू यांना विचारला. यावेळी त्या हसत म्हणाल्या, “धन्यवाद…पण संपूर्ण जगजाहिर झालं आहे की आता मी आजी होणार आहे.” आलियाने सोशल मीडियाद्वारे याची माहिती दिली असल्याचं यावेळी नीतू यांना छायाचित्रकारांनी सांगितलं. कपूर-भट्ट कुटुंबिय सध्या हा आनंद साजरा करत आहेत.

रणबीर आणि आलिया लवकरच ‘ब्रह्मास्त्र’ या चित्रपटात एकत्र दिसणार आहेत. अयान मुखर्जी दिग्दर्शित हा चित्रपट पहिला भाग आहे आणि याचे आणखी दोन भाग येणार आहेत. सध्यातरी आलियाने आपलं हातातलं काम पूर्ण करत चित्रपटांमधून ब्रेक घेतला असल्याचं बोललं जात आहे.

Click Here To See More