कोरोना लग्नाचा 'ग्लॅमरस सोहळा'

NewsZenn Dec 8, 2020 1824 0

कोरोना काळातही प्री-वेडींग ला मागणी

भारतातले लग्न सोहळेहा कुतूहलाचा विषयअसतो. या लग्नसोहळ्यावर कोरोनाचा मोठा परिणाम झाला. लग्नात येणारी मंडळींची संख्या कमी झाली पर्यायाने मोठे हॉल,जेवणावळ याचा खर्च कमी झाला. पण त्यातही लग्न ग्लॅमरस कसं होईल याकडेही तरुण पिढी लक्ष देत आहे. संगीत, मेहेंदी, साखरपुडा, प्री-वेडिंगफोटोशूट कडे जास्त कल पाहायला मिळत आहे. छोटेखानी लग्न करायचं ना मग होऊदे दणक्यात, असा सूर पाहायला मिळत आहे. लग्नाचा खर्च कमी झालाय पण तरुणांनी आपला मोर्चा त्यांच्या हौस पूर्ण करण्याकडे वळवला आहे. लग्न म्हणजे एक क्षण जो भरभरून जगायचा असतो. म्हणूनच आजची तरूणाई ,लग्न मगते स्वत:च असो वा दुसऱ्याचं तो लग्न सोहळा एन्जॉय करताना दिसतो. सेलेब्रेटीं इतके मोठ्या प्रमाणावर लग्न सोहळे होत नसले तरी लग्नाला ग्लॅमरस लूक द्यायलाही तरूणाई मागे पडत नाही.

लग्नाला येणाऱ्या लोकांवर मर्यादा आली असली तरी छोटेखानी सोहळ्याला ग्लॅमरस लूक द्यायचा तरुणाईचा प्रयत्न असतो.हॉल निश्‍चित झाला की त्याचं डेकोरेशन एकदम आकर्षक असावं याकडेही अनेकांचा कल असतो. लग्नाला येणा-या प्रत्येकांचे डोळे दिपले पाहिजे असं वेगवेगळ्या देशी-परदेशी फुलांचं डेकोरेशन,रिसेप्शनच्या ठिकाणी एलइडी लाइट्‌स असं बरंच काही हवं असतं. नुकतेच लग्न ठरलेल्या परदेशात नोकरी करणऱ्या मुलीची आई सांगत होती, मुलगी म्हणतेय,"लग्नाचा हॉल एसी हवा, बॅक्वेट हॉलची स्पेस मोठी हवी, डेकोरेशन मध्ये डोली हवी, विधीमंडप वेगळा हवा, प्री वेडींग फोटो शूटकरायचयं..यांवर काही बोललं तर म्हणते, लग्न एकदाच होत गं आई.. असा सूरअसतो ''खरतर लग्नसोहळा आकर्षक बनवणं तस कठीणच काम आहे. आजची तरुणाई ही अशी आहे.ते स्वत: कमावतात. त्यामुळे त्यांच्या स्टाईलने त्यांना सगळं करायचं असतं. पंजाबचे मेहंदी-संगीत, गुजराती ड्रेसकोड घागरा चोली, कॅथलिक पद्धतीचं केक कटिंग आणि आपल्या मराठी पद्धतीचं कन्यादान,लाजा होम, सप्तपदी सर्व काही एकाच लग्नात एकदाच मस्तपैकी सेलिब्रेट करायचं. अशा समारंभांचं आयोजन ऐन गर्दीत शहरात करण्यापेक्षा लांब कुठेतरी जाऊन-राहून एकदम ढिंगचॅक पद्धतीनंही डेस्टीनेशन वेडींग हल्ली तरुणांना करायचं असतं.

कोरोमनांमुळं लग्नसोहळ्याची सगळी गणिताचं बदलली. लग्न पत्रिका,जेवण, मानपान हा खर्च आटोक्यात आला.मग आता लग्नतर एकदाच होत,मग करायचं काय, तर प्री वेडिंग, संगीत, कपडे यावर खर्च केला जात आहे. त्याच बरोबर मोजक्याच लोकांना घेऊन निसर्गरम्य ठिकाणी शाही लग्न करण्याकडेही कल वाढला आहे.
'' सध्या विवाह सोहळा एका विधीपुरता मर्यादित न राहता,लग्नाच्या आधीच्या क्षणांचा आनंद साठवून ठेवण्याकडे तरुणाईचा कलदिसून येत आहे. भावी वधू-वराच्या पहिल्या भेटीपासून ते एकमेकांच्या विवाह सोहळ्यापर्यंतचे सर्वक्षण पुन्हा अनुभवून साठवण्यासाठी प्री -वेडिंगफ शूटकेले जात आहे.म्हणजेच लग्न ठरल्यावर दोघे पहिल्यांदा कधीभेटले, कुठे भेटले,लग्नासाठी कुणी पहिल्यांदा विचारले? यासारख्या आठवणी कॅमेर्‍यात साठवल्या जात आहेत. कोरोनामुळे लग्नसोहळा लिमिटेड झाला असला तरी प्रीवेडिंग ची हौस भागवली जात आहे. बाकीचे खर्च कमी झाल्याने प्री वेडिंगशूट वर खर्च करत आहेत

--रणजित शेलार, फोटोग्राफर

'' या शूटवेळी फोटो फ्रेम्स, बाईक, सायकल, गाडी तसेच लग्नाची तारीख लिहिलेल्या पाट्या असे विविध प्रॉप्स वापरले जातात. फोटो काढत असताना त्याचे चित्रीकरणही केले जाते.ज्याचे रूपांतर प्री -वेडिंग व्हिडिओ मध्ये होते. प्री-वेडिंगच्या माध्यमातून जोडपे एकमेकांना अधिक ओळखते,असे सांगितले जाते. लग्नापूर्वीचा प्रवास साठवून ठेवण्यासाठी तसेच पहिल्या भेटीपासून ते लग्न होईपर्यंत च्या आठवणी जपण्यासाठी प्री-वेडिंग सर्वोत्तम माध्यम आहे. शहरात प्री-वेडिंगची क्रेझ वाढत आहे. किल्ले, गड, नदीकिनारे, निसर्गरम्य ठिकाणांना पसंती दिली जाते. लग्नसोहळे शूट करण्याच्या पद्धती आता बदलल्या आहेत. कॅन्डीड, विधीचे फोटो वेगवेगळा लुक देऊन क्लिक केले जातात.''

-- जयजित मोरे ,सिनेमॅटोग्राफर

Amita@NewsZenn