तेजस्वी प्रकाश ठरली 'बिग बॉस १५' ची विजेती

NewsZenn Jan 31, 2022 681 0

मराठमोळी अभिनेत्री तेजस्वी प्रकाश हिने बिग बॉस १५ ची विजेती होण्याचा मान पटकावला आहे. तर, प्रतीक सहजपाल हा उपविजेता ठरला. रविवारच्या ग्रॅन्ड फिनालेमध्ये शोचा सूत्रसंचालक आणि अभिनेता सलमान खानने विजेत्यांची घोषणा केली.

तेजस्वीला ट्रॉफीसह ४० लाख रुपये बक्षीस रकमेने सन्मानित करण्यात आलं. बिग बॉस १५ हंगामाच्या शेवटच्या भागात तेजस्वीसह प्रतीक सहजपाल, करण कुंद्रा, शमिता शेट्टी आणि निशांत भट्ट हेही जेतेपदाच्या शर्यतीत होते. मात्र तेजस्वीने सगळ्यांना मागे टाकत बाजी मारली.

तेजस्वीने मुंबई विद्यापीठातून इलेक्ट्रॉनिक्स आणि टेलिकम्युनिकेशन्स विषयात इंजिनिअरिंगची पदवी मिळवली आहे. इंजिनिअरिंगचं शिक्षण घेतलं असलं तरी तेजस्वीला अभिनेत्री व्हायचं होतं.

‘संस्कार-धरोहर अपनों की’ या मालिकेद्वारे तेजस्वीने पदार्पण केलं. ‘स्वरांगिणी- जोडे रिश्तों के सूर’ या मालिकेद्वारे ती घराघरात पोहोचली. रागिणी लक्ष्य महेश्वरी हे तेजस्वीने साकारलेलं पात्र प्रेक्षकांच्या लक्षात राहिलं होतं.

तेजस्वी ‘किचन चॅम्पियन ५’ नावाच्या रिअलटी शो मध्ये सहभागी झाली होती. ‘फिअर फॅक्टर: खतरों के खिलाडी १०’ या स्पर्धेत तेजस्वी सहभागी झाली होती. अंडरवॉटर स्टंट करताना तिच्या डोळ्याला दुखापतही झाली होती.

Click Here To See More