सोनाक्षीने दिली प्रेमाची कबुली !

NewsZenn Dec 11, 2021 717 0

बॉलिवूड अभिनेते शत्रुघ्न सिन्हा यांची मुलगी अभिनेत्री सोनाक्षी सिन्हा गेल्या काही दिवसांपासून खासगी आयुष्यामुळे चर्चेत आहे. सोनाक्षी प्रेमात असल्याचे म्हटले जात आहे. सोनाक्षी बॉलिवूडचा भाईजान सलमान खानच्या कुटुंबातील कुणाला तरी डेट करत असल्याच्या चर्चा रंगल्या होता. अशाताच आता सोनाक्षीने शेअर केलेल्या पोस्टने सर्वांचे लक्ष वेधून घेतले आहे.

सोनाक्षी ‘नोटबुक’ चित्रपटातील अभिनेता जहीर इकबालला डेट करत असल्याचे म्हटले जात होते. आता सोनाक्षीने जहीरसोबतचा फोटो सोशल मीडियावर शेअर केला आहे. हा फोटो शेअर करत तिने जहीरला वाढदिवसाच्या शुभेच्छा दिल्या आहेत.

कोण आहे सोनाक्षीचा बॉयफ्रेंड? जाणून घेण्यासाठी येथे क्लिक करा
जहीरचा १० डिसेंबर रोजी वाढदिवस होता. त्यानिमित्ताने तिने त्याच्यासोबतचा फोटो शेअर केला होता. या फोटोमध्ये तिने काळ्या रंगाचा ड्रेस परिधान केला आहे. हा फोटो शेअर करत तिने, ‘जगातील सर्वात जास्त त्रास देणाऱ्या व्यक्तीला वाढदिवसाच्या शुभेच्छा. तू जगातील सर्वात चांगला व्यक्ती आहेस. तू असा का आहेस? वाढदिवसाच्या खूप शुभेच्छा..’ या आशयाचे कॅप्शन तिने दिले. त्यासोबतच तिने #bestbestfriend #whattaguy हे दोन हॅशटॅग वापरले आहेत.

सोनाक्षीच्या या पोस्टवर चाहत्यांनी तसेच तिच्या मित्रमैत्रीणींनी देखील कमेंट केल्या आहेत. जहीरने केलेल्या कमेंटनेसर्वांचे लक्ष वेधले आहे. ‘पण ती माझी खास मैत्रीण आहे. बरोबर..’ या आशयाची कमेंट करत त्याने हसण्याचे इमोजी वापरले आहेत. पुढे त्याने आणखी एक कमेंट करत ‘आता मी अधिकृतरित्या तुला माझी हिरोइन म्हणू शकतो’ असे म्हटले आहे. त्यामुळे सोनाक्षी जहीरला डेट करत असल्याच्या चर्चांना उधाण आले आहे.

Click Here To See More