हेल्दी 'सॅलड'

NewsZenn NewsZenn Jan 24, 2021 1074 0

हेल्दी 'सॅलड'


निरोगी राहायचा सगळ्यात सोप्पा मार्ग म्हणजे रोज खूप सारी ताजी फळे खाणे. पूर्वीची लोक ताजी फळे यासाठीच खात असत, कारण त्यामुळे आरोग्य सुदृढ राहत असे. जस जसं युग बदललं तस तसं या फळांची जागा आता सलाडने घेतली आहे. थेट फळ कापून खाण्यापेक्षा विविध फळे आणि पालेभाज्यांनी बनलेलं सलाड खाणे हे तसं तर खूप चांगलं आहे. कारण एकावेळी तुम्हाला विविध फळे मिळतात आणि सोबत त्यातील विविध पोषक तत्वे सुद्धा मिळतात. तुम्हाला विश्वास बसणार नाही पण हे खरंय की रोज फळे खाल्याने तुमच्या आयुष्यातील अतिशय त्रास देणाऱ्या काही समस्यांपासून तुम्ही दूर राहू शकता. सॅलड म्हटले त्यात घातल्या जाणाऱ्या भाज्या कच्च्या असणे अपेक्षित असते. काही सॅलडस्मध्ये शिजवलेले पदार्थ घालतात, पण तरीही कच्च्या भाज्या हेच आरोग्यदायी सॅलडचे वैशिष्टय़. कांदा, टोमॅटो, काकडी, मुळा, गाजर, बीट, ढोबळी मिरची, कोबी, लेटय़ूसची पाने व पालकासारख्या हिरव्या पालेभाज्या सॅलड-कोशिंबिरींमध्ये नेहमी वापरल्या जातात. हल्ली ब्रोकोली, मशरूम, सेलरी, पार्सले, बेझिल या विदेशी भाज्याही सॅलडमध्ये वापरल्या जातात. न शिजवलेल्या भाज्यांमधील जीवनसत्त्वे टिकून राहिलेली असतात. त्यामुळे सॅलडचे घटक जितके कच्चे तितके उत्तम. अर्थात बीट किंवा ब्रोकोलीसारख्या काही भाज्या किंवा मोड आलेली कडधान्ये सॅलडमध्ये वापरायची असतील तर ती किंचित वाफवून घेतली तर चांगले. पण ती शिजून गाळ व्हायला नकोत. त्यांच्यातील कच्चेपणा थोडा शिल्लक राहणे आवश्यक आहे.
सॅलड बनवा आणि लगेच खा.पाण्यात भिजवून ठेवून व्यवस्थित मोड आलेली कडधान्ये सॅलडमध्ये जरूर वापरावीत. ही कडधान्ये किंचित वाफवण्याचे कारण असे की काही जणांना कच्ची कडधान्ये खाल्ल्यावर गॅसेस होतात. पण पचन चांगले असेल तर कच्ची कडधान्ये खाण्यास काहीच हरकत नाही. कडधान्याला आलेला मोड हा त्याचे पुढे छोटय़ाशा रोपात रूपांतर होण्यासाठी असतो. त्यामुळे मोड आलेल्या स्थितीत कडधान्यातील पोषणमूल्ये मोडाद्वारे त्या भावी रोपाकडे पाठवण्याचा प्रयत्न होत असतो. म्हणूनच मोड न आलेल्या कडधान्यांपेक्षा मोडाची कडधान्ये केव्हाही चांगली. मोड आल्यावर त्यातील ‘ब’ आणि ‘क’ जीवनसत्त्व आणि पचनक्षम प्रथिनांचे प्रमाण वाढते. आपल्याकडे सलाड हे जेवणासोबत खाण्याची पद्धत आहे जे की एक प्रकारे चूक आहे. हो खरंच, सलाड हे जेवणासोबत कधीच खाऊ नयेत. तुम्हाला सलाड खायचे असेलच तर हे जेवणाच्या एक तास आधी किंवा दिवसभर छोटी मोठी भूक लागल्यावरच सलाड खावे. जर तुम्ही हि योग्य पद्धत अवलंबत नसाल तर तुमच्या सलाड खाण्याचा जास्त फायदा होणार नाही. म्हणून सलाड योग्य पद्धतीने योग्य वेळीच खावे. मशरूम सलाड हे बनवायला सोपे व झटपट होणारे आहे. हे सलाड बनवतांना मशरूम, शिमला मिरची (हिरवी, लाल, पिवळी), कांदा व मिरे पावडर वापरून केलेलं सलाड चांगले लागते.मशरूमच्या सेवनाने आपल्या शरीराला बरेच फायदे होतात. ते एंटी-ऑक्सीडेंट आहेत. त्याच्या सेवनाने रोग प्रतिकारशक्ती वाढते. विटामीन “D” भरपूर प्रमाणात आहे. कार्बोहाइड्रेट्स कमी आहेत त्यामुळे आपल्या शरीराचे वजन कमी करण्यासाठी उपयुक्त आहे. रक्तातील ब्लड शुगर लेवल बरोबर रहाते. मशरूमच्या सेवनाने अपचन, गैस, एसिडिटीचा त्रास होत नाही. मशरूमचे सेवन दर २-३ दिवसांनी करावे.
काकडी ही पित्त, दाह, मुतखडा ह्यावर गुणकारी आहे. तसेच ती थंड आहे त्यामुळे उष्णतेचा त्रास होत नाही. काकडीचे अश्या प्रकारचे सलाडचे सेवन केल्यास लघवीची जळजळ दूर होते व ती पाचक आहे.काकडी सलाड किवा कोशिंबीर बनवतांना बारीक चिरून त्यामध्ये कोथंबीर, शेगदाणे कुट, साखर, लिंबू, मीठ व वरतून तूप, जिरे व हिंग ची फोडणी दिली की खूप चवीस्ट स्वादीस्ट लागते.

Tags: