शरद पवार साहेब ठणठणीत; कार्यकर्त्यांच्या चिंतेलाआमदार रोहित पवार यांनी दिला पूर्णविराम...

NewsZenn Apr 23, 2026 83 0

मुंबई : राष्ट्रवादी काँग्रेसचे आमदार रोहित राजेंद्र पवार यांनी आपल्या फेसबुक पोस्टद्वारे पवार साहेबांच्या प्रकृतीबाबत महत्त्वाची माहिती दिली आहे. गेल्या काही दिवसांपासून कार्यकर्त्यांकडून त्यांच्या तब्येतीबाबत चौकशी सुरू होती. याच पार्श्वभूमीवर त्यांनी स्पष्ट केले की, पवार साहेबांची प्रकृती पूर्णपणे उत्तम असून काळजी करण्याचे कोणतेही कारण नाही.

रोहित पवार यांनी सांगितले की, पवार साहेबांना हॉस्पिटलमधून डिस्चार्ज देण्यात आला असून ते सध्या मुंबईतील त्यांच्या निवासस्थानी विश्रांती घेत आहेत. तसेच एका कामानिमित्त नुकतेच त्यांच्याशी संवादही झाल्याचे त्यांनी नमूद केले. या माहितीमुळे कार्यकर्ते आणि समर्थकांमध्ये दिलासा मिळाला असून, पवार साहेब लवकरच नियमित कामकाजात सक्रिय होतील, अशी अपेक्षा व्यक्त केली जात आहे.