मोडी लिपीचे जतन करणारी 'मोडी गर्ल'

NewsZenn Nov 6, 2020 651 0

पिंपरी-चिंचवडची 'मोडीगर्ल' म्हणून सगळे जण ओळखतात. तर श्रुतीची #मोडीगर्ल कशी झाली हे आज मी तुम्हाला सांगणार आहे, खरं तर मुलगी म्हणता किंवा गाववाल्यांची मुलगी म्हणता, उंची छोटी म्हणून दुनियादारीचे टोमणे मागे टाकत, कोणतेही लेबल नसताना हा किताब गाठणं खडतर होतं, फक्त साथ होती मला ती माझ्या वडिलांची ..
मूर्ती लहान किर्ती महान करुन दाखव ..
तीच लोक उद्या तुझे कौतुके गातील ..
तू फक्त लढ .. झगड .. आगे बढ ..
हे वाक्य प्रत्येक वेळेस कानी पडत राहिले आणि मी मोडी लिपीचा प्रवास माझा सुरु झाला ..
नेहमीच काहीतरी भन्नाट जगावेगळं करायची माझी सवय होती आणि यंदा ही तीच .. script शिकायची इच्छा झाली, तर म्हंटलं indicscripts पासून सुरुवात करावी, चिंचवडगावात वडिलांचे मित्र भ. ई. चिंचवडे सर ह्यांनी क्लासेस सुरू केले होते, शिकता शिकता लिपीच्या जणू प्रेमातच पडले आणि तिला जतन करायचे वेड मला लागले ..
पुढील अभ्यास भारत इतिहास संशोधन मंडळ, येथे मंदार लवाटे सर यांच्याकडे केला ..
D. Y. PATIL College of Applied Arts and Crafts, Akurdi या कॉलेज मध्ये माझं पदवीचे शिक्षण चालू होते,टायपोग्राफी हा मुख्य विषय असल्याने मोडी लिपीवर काम करणं माझ्यासाठी सोपं झालं होतं. कॉलेज च्या वार्षिक प्रदर्शनाला मोडी लिपीच्या संवर्धनासाठी एक प्रयत्न हा विषय निवडला होता ..
लिपीच्या गमतीजमती जाणून घेता घेता प्रसाराला सुरुवात झाली ती माझ्या मोडीfied हेल्मेट पासून ..
मुळात म्हणजे माझ्या हेल्मेटने खूप कलात्मक अत्याचार सोसलेत त्यातून नुकतीच पुण्यात हेल्मेट सक्ती सुरु झाली आणि त्याचाच फायदा घेत मोडी लिपीचे स्वर व्यंजन लिहिलेलं मोडीfied हेल्मेट घालून मी चिंचवड ते पुणे फिरु लागले, बरेच लोकांनी त्याचे कौतुक केले तर कोणी आश्चर्यचकित होत हे नक्की काय लिहिलं आहे ..
राष्ट्रीय मोडी लिपी हस्ताक्षर स्पर्धेत मी भाग घेतला होता आणि त्यात द्वितीय क्रमाने मी उत्तीर्ण झाले तर हेल्मेटचा प्रतिसाद आणि अक्षर स्पर्धेची उत्स्फूर्ती घेऊन मी माझ्या बाईकला मोडीfied बनवायचे ठरविले .. बालाजी आवाजी चिटणीस अक्षरातले एक पत्र मी स्वतःच्या अक्षरात लिहून मोडीfied Pleasure बनवली आणि तीची अनेक मीडिया ने दखल घेतली आणि ती अख्या महाराष्ट्र मध्ये पोहचली ..
घराघरात मोडी लिपी पोहचावी म्हणून १२ स्वर वापरून मोडीfied कालनिर्णय आणि मोडीfied घड्याळ मोडीfied चहाचे कप बनवले ..
मोडी म्हणजे मराठीचीच लिपी म्हणून मराठी भाषा दिनानिमित्त मी ४०*४०फुट ची भव्य मोडीfiedरांगोळी वर्ल्ड रेकॉर्ड साठी काढली होती ज्यामध्ये राजा शिवछत्रपती हा शब्द मोडी लिपी ५ हजार पेक्षा जास्त वेळा लिहून छत्रपती शिवाजी महाराजांची प्रतिमा तयार केली होती ..
खरं तर एक बाई शिकली की पुरं घर सुशिक्षित होते असं म्हटलं जातं, तर स्त्री-आभूषणांमध्ये मोडी लिपीचा वापर करुन
मोडीfied साडी, मोडीfied कुर्ता, मोडीfied टिकली, मोडीfied मंगळसूत्र, मोडीfied अंगठी, मोडीfied स्कार्फ, मोडीfied रुमाल हे सर्व बनवले होते ..
लहान मुलांना मोडी लिपीची गोडी लागावी म्हणून मोडीfied चकल्या तयार केल्या आणि लहानमुलांनी ते खाऊन शिकण्यात एन्जॉय केल्या ...
घर बसल्या सर्वांना मोडी लिपी सोप्या पद्धतीने शिकता यावी म्हणून मोडीfied कित्ता बनवला ..
दिवाळीला सलग ४ वर्षांपासून आमच्याकडे मोडीfied आकाशकंदील च बनवला जातो आणि पणत्या सुद्धा मोडीfied पणत्या बर का ! ...
बदलत्या काळात इंग्लिशला जास्त प्राधान्य दिलं जातंय तर तिथे देखील आपल्या मोडी लिपीने मागे का पडावे म्हणून मोडीfied Latin बनवला.
मला Typographic Illustration(अक्षर चित्र) तयार करायची फार आवड आहे आणि ती कला जोपासत मी अनेक अक्षरचित्र तयार करत मी एक स्वतःची ओळख तयार करत असताना,
अमिताभ बच्चन ह्यांच्या ७७ व्या वाढदिवसाच्या निमित्ताने त्यांचे ७७ चित्रपटांचे नावे वापरुन ७७ तासात मोडी लिपी मध्ये ७७ अक्षरचित्रे तयार केली होती आणि त्याचे प्रदर्शन ही भरविले होते त्याची दखल बिग बी ह्यांचे पीए मिलींदजी ह्यांनी घेतली होती.
त्यांनंतर राष्ट्रीय काँग्रेस पक्षाचे अध्यक्ष मा.शरदचंद्रजी पवार ह्यांच्या ८० व्या वाढदिवसाच्या निमित्ताने सुध्दा मी त्यांची ८० छायाचित्रे शोधून ८० विशेषण वापरून त्यांचे मोडी लिपी मध्ये ८० अक्षरचित्रे बनवलेली, त्याची दखल स्वतः सुप्रिया सुळे ताई तसेच त्यांच्या भगिनी आणि दाजी मीनाताई मनोहरजी सासणे ह्यांनी घेतली .
खरं माझं स्वप्न होतं मोडीfied लग्नाचे अगदी लग्नपत्रिका पासून ते बॅकड्रॉप पर्यंत पण माझं लग्नचं अगदी 3 दिवसाचं अरेंज मॅरेज तेही लॉकडाऊन मध्ये झाल्यामुळे माझ्या हौशी नवरोबाने बऱ्यापैकी माझ्या मोडीfied लग्नाची इच्छा पूर्ण केली.
मोडी लिपीला उजाळा मिळावा आणि ती सुंदर लिपी जतन व्हावी आणि लोकांपर्यंत पोहचावी ह्याचसाठी अट्टाहास आणि आजवर अनेक press media माध्यमानी मला लोकांपर्यंत पोचवले ज्यामुळे माझे मोडी प्रेम अजून फुलत गेले .