दिलासादायक! पिंपरी-चिंचवडमध्ये सलग तिसऱ्या दिवशी कोरोनामुळे एकाही रुग्णाच्या मृत्यूची नोंद नाही

NewsZenn Mar 11, 2022 664 0

पिंपरी-चिंचवड शहराच्या विविध भागातील ३३० नवीन कोरोना बाधित रुग्णांची गुरुवारी नोंद झाली. तर, कोरोनामुक्त झालेल्या २६ जणांना डिस्चार्ज देण्यात आला.

कोरोनामुळे सलग तिसऱ्या दिवशी एकाही रुग्णाचा मृत्यू झाला नाही. ही दिलासादायक बाब मानली जात आहे. आजपर्यंत शहरातील ४ हजार ६२३ जणांचा कोरोनामुळे मृत्यू झाला. शहरातील ३ लाख ५८ हजार ९७३ जणांना आजपर्यंत कोरोनाची लागण झाली. सध्या १७६ सक्रिय रुग्ण शहरात आहेत. त्यातील १३७ रुग्ण गृहविलगीकरणात असून ३९ सक्रीय रूग्णांवर महापालिका रुग्णालयामध्ये उपचार सुरू आहेत.

तर, शहरात मेजर कंटेन्मेंट झोन ६ आणि मायक्रो कंटेन्मेंट झोन ३७६ आहेत. आज दिवसभरात २ हजार ४३५ नागरिकांचे लसीकरण झाले. आजपर्यंत ३४ लाख ५२ हजार ९५५ जणांनी कोरोना प्रतिबंधक लस घेतली.

Click Here To See More