Netflix च्या ग्राहकांसाठी मोठी बातमी

NewsZenn Dec 14, 2021 734 0

आजपासून Amazon Prime मेंबरशिप घेणे महाग झाले आहे. मात्र त्याचवेळी Netflix ने आपल्या ग्राहकांना आनंदाची बातमी दिली आहे. नेटफ्लिक्सने हिंदुस्थानात आपल्या सर्व प्लानसचे दर कमी केले आहेत.

आता याच्या सर्वात स्वस्त प्लानची किंमत १४९ रुपये प्रति महिना पासून सुरू होणार आहे. हिंदुस्थानात युजर्सची संख्या वाढावी या हेतूने नेटफ्लिक्सने आपल्या सर्व प्लानचा किंमतीत कपात केल्याचं समजत आहे.

नेटफ्लिक्सच्या बेसिक प्लानची किंमत ४९९ रुपये इतकी होती. यात कंपनीने जबरदस्त कपात केली आहे. आता या प्लानची किंमत १९९ रुपये प्रति महिना इतकी करण्यात आली आहे. म्हणजेच आता नेटफ्लिसच्या बेसिक प्लान जो आधी ४९९ रुपयांना होता, याचा आनंद आता तुम्हाला १९९रुपयात घेता येणार आहे. या प्लानमध्ये ग्राहक मोबाईल आणि आपल्या लॅपटॉपमध्ये नेटफ्लिक्सचे लॉग इन करू शकतात.

कंपनीने नेटफ्लिक्सच्या स्टॅण्डर्ड प्लानची किंमतही कमी केली आहे. या प्लानची किंमत आता कंपनीने ४९९ रुपये प्रति महिना इतकी केली आहे. यासाठीच आधी ग्राहकांना ६४९ रुपये मोजावे लागत होते. तसेच आता कंपनीने आपल्या प्रीमियम प्लानची किंमत ६४९ रुपये इतकी केली आहे. याआधी याची किंमत ७९९ रुपये इतकी होती.

नवीन किंमत जाहीर झाल्यानंतर नेटफ्लिक्सच्या सर्वात स्वस्त प्लानची किंमत १४९ रुपये प्रति महिन्यापासून सुरु होणार आहे. जे फक्त मोबाईल आणि टॅबमध्ये सपोर्ट करते. याचे रेजोल्यूशन ४८०p इतके आहे. हा प्लान घेतल्यावर याचे ऍक्सिस तुम्ही टीव्ही किंवा लॅपटॉवर करू शकत नाही. हा प्लान घेतल्यास तुम्ही एका वेळी एकाच डिव्हाइसमध्ये ऍक्सिस करू शकतात.

Click Here To See More