दिवाळीची ऑनलाईन शाॅपिंग करताना सावधान !

NewsZenn Oct 26, 2021 774 0

देशात दिवसेंदिवस सायबर क्राईमचं प्रमाण वाढत आहे. अशातच आता दिवाळी तोंडावर आली आहे. यादरम्यान, नागरीक मोठ्या प्रमाणात कपडे, पणत्या, दिवाळी साठी खरेदी करतात. ही खरेदीची रक्कम अनेक लोक ऑनलाईन बँकिंग म्हणजेच क्रेडीट कार्ड नाहीतर डेबीट कार्डचा वापर करतात. मात्र अशा वेळी लोकांनी सावधान राहणं गरजेचं आहे. कारण दिवाळीच्या सणात सायबर ठग फसवणुकीसाठी तयार आहेत.

केवळ ऑनलाईन विक्रेत्यांकडून खरेदी करु नका. विशेषतः जे लोक गिफ्ट कार्ड, मनी ट्रान्सफर नाहीतर क्रिप्टोकरन्सीद्वारे पैसे घेतात. तसेच ऑनलाईन पेमेंट झाल्यानंतर आणि इतर वेळेस कोणत्याही अज्ञात लिंकवर क्लिक करु नका. कोणत्याही नवीन वेबसाईटवरुन खरेदी करण्यापुर्वी त्या वेबसाईटची पुरेपुर माहिती गोळा करा. त्यानंतर मालाचे वर्णन काळजीपूर्व वाचा. तसेच जास्त मोठ्या प्रमाणात ऑफर असेल तर सावध व्हा ती बनावट असू शकते.

खरेदी केल्यानंतर मोबाईल नंबरवर लाॅटरी जिंकल्याचे मेसेज आल्यानंतर भांबावून जाऊ नका. अशा लिंक्स देखील फ्राॅड असू शकतात. काही महिन्यांपुर्वी एनसीबीने देखील सायबर क्राईम पासून वाचण्याचे मार्ग सांगितले होते. त्यानुसार लास्ट लॉगइन डेट आणि वेळ तपासून इंटरनेट बँकिंग पासवर्ड वेळोवेळी बदलत राहा. तसेच पब्लिक वायफाय, फ्री वायफाय, सायबर कॅफे आणि इतरांशी शेअर होणाऱ्या पीसीवरुन इंटरनेट बँकिंगचा वापर करू नका. कधीही खासगी माहिती बँक साईटवर अपडेट केल्यावर रिवॉर्ड देण्याचा दावा करणाऱ्या ईमेल, एसएमएस आणि फोन कॉलपासून सावध राहा.

दरम्यान, फ्रॉड झाल्यापासून 24 तास झाले असतील, तर पीडित नॅशनल सायबर क्राईम रिपोर्टिंग पोर्टलवर तक्रार दाखल करू शकतात. कोरोना काळात अनेक राज्यांमध्ये हनीट्रॅप रचून व्हीडीओ काॅल तसेच व्हाॅट्सॲप ग्रुपद्वारे देखील अनेक साईबर क्राईम झाले आहेत.

Click Here To See More