सरसेनापती हंबीरराव मध्ये गश्मीर महाजनी साकारणार शिवाजी महाराज

NewsZenn Feb 19, 2021 813 0

शिवजयंती चा मुहूर्त साधत चित्रपटाचा पोस्टर रिलीज

लेखक, दिग्दर्शक प्रविण विठ्ठल तरडे यांचा आगामी ‘सरसेनापती हंबीरराव’ हा बहुप्रतीक्षित चित्रपटात लवकरच प्रेक्षकांच्या भेटीला येणार आहे. या ऐतिहासिक चित्रपटाची घोषणा करताच चाहत्यांमध्ये उत्सुकता पाहायला मिळाली होती. आता या चित्रपटात छत्रपती शिवाजी महाराजांची भूमिका कोणता अभिनेता साकारणार हे स्पष्ट झाले असून फर्स्ट लूक समोर आला आहे.

प्रविण विठ्ठल तरडे यांची कथा, पटकथा, संवाद आणि दिग्दर्शन असलेल्या ‘सरसेनापती हंबीरराव’ मध्ये कोणते कलाकार, कोणती ऐतिहासिक व्यक्तिरेखा साकारणार? याबद्दल प्रेक्षकांच्या मनात प्रचंड उत्सुकता असल्याचे दिसले. शिवजयंतीच्या मुहूर्तावर यातील एका महत्वपूर्ण व्यक्तिरेखेचा उलगडा झाला. मराठी चित्रपटसृष्टीतील हॅंड्सम हंक अभिनेता गश्मीर महाजनी ‘सरसेनापती हंबीरराव’ चित्रपटात छत्रपती शिवाजी महाराजांच्या महत्वपूर्ण भूमिकेत दिसणार असल्याचे आज स्पष्ट झाले.