आ. शंकर मांडेकर यांच्या पुढाकारातून वेल्हे (राजगड) येथे "शासन आपल्या दारी"ला उत्स्फूर्त प्रतिसाद!

NewsZenn Apr 8, 2025 647 0

वेल्हे : ना.मा. श्री. अजितदादा पवार (पालकमंत्री, पुणे जिल्हा तथा उपमुख्यमंत्री, महाराष्ट्र राज्य) यांच्या मार्गदर्शनाखाली आणि भोर-राजगड-मुळशी विधानसभेचे आमदार शंकर हिरामण मांडेकर यांच्या पुढाकारातून वेल्हे (राजगड) तालुक्यातील अनुशंकर मंगल कार्यालय, आंबी फाटा, पानशेत रोड येथे "शासन आपल्या दारी" हा महत्त्वाकांक्षी उपक्रम राबविण्यात आला. या उपक्रमाला वेल्हे तहसील अंतर्गत नागरिकांचा भरभरून प्रतिसाद मिळाला असून १४०० पेक्षा अधिक लाभार्थ्यांनी सहभाग नोंदविला.

या उपक्रमाद्वारे नागरिकांना विविध शासकीय योजना, दाखले आणि सेवा थेट त्यांच्या गावाच्या दारी उपलब्ध करून देण्यात आल्या. मतदारसंघातील नागरिकांच्या समस्या प्रत्यक्ष समजून घेण्यासाठी आणि त्या तात्काळ मार्गी लावण्यासाठी सर्व संबंधित विभागांचे अधिकारी उपस्थित होते. अनेक तक्रारींचे तात्काळ निराकरण करण्यात आले तर काहींच्या संदर्भात अधिकाऱ्यांना योग्य ती कार्यवाही करण्याचे निर्देश देण्यात आले.

या कार्यक्रमामध्ये भोर उपविभागीय अधिकारी डॉ. विकास खरात, वेल्हे उपविभागीय अधिकारी महेश हरिश्चंद्रे, वेल्हे तहसीलदार श्रीनिवास ढोणे, गटविकास अधिकारी पंकज शेळके, तसेच राष्ट्रवादी काँग्रेसचे अध्यक्ष किरण राऊत, पुणे जिल्हा परिषदेचे माजी सदस्य अमोल नलावडे, कात्रज दूध सहकारी संस्थेचे माजी अध्यक्ष भगवान पासलकर, अनंता दारवटकर, किर्तीताई देशमुख, सुनील जागडे व इतर मान्यवर उपस्थित होते.

या उपक्रमात विविध विभागांच्या योजनांचा लाभ देण्यात आला असून, दाखले, प्रमाणपत्रे, अर्ज नोंदणी व समस्यांचे निराकरण यासारख्या सेवा दिल्या गेल्या. स्थानिक नागरिकांनी मोठ्या प्रमाणावर उपस्थित राहून उपक्रमाचे स्वागत केले.

https://www.facebook.com/share/p/1BhJgSmKHx/